Bu gündən etibarən rayon qeydiyyatında olan avtomobillərin paytaxta girişinə qoyulan məhdudiyyətlər qüvvəyə minəcək. 

ANS TV-nin məlumatrına görə, bununla bağlı Bakı şəhərinin hər iki girəcəyində pulsuz dayanacaqların tikintisi yekunlaşıb. Bakı və Sumqayıt yolunun 6-ci kilometrliyində yerləşən dayanacaq 2,8 hektar ərazini əhatə edir və burada 650 avtomobil park edə bilər.
Qaradağ rayonu ərazisində yerləşən dayanacaqda da işlər təhvil verilib. Hər iki dayanacaqda vətəndaşlar üçün ictimai iaşə obyektləri, gözləmə zalı və nəzarət buraxılış məntəqəsi istifadəyə hazırlanır.
Burada dayanan nəqliyyat vasitələrinin təhlükəsizliyinə kameralar vasitəsilə nəzarət ediləcək.
Avtomobillərini park edən insanlar şəhərə ictimai nəqliyyat vasitəsilə gələ biləcəklər. Bu məqsədlə dayanacaqlardan paytaxta iki marşrut xətti üzrə avtobuslar işləyəcək.
Yeni dərs ilinin başlaması ilə əlaqədar yol polisi də gücləndirilmiş iş rejimində işləyəcək.