Dağıstanda terror törədənlər əvvəlcə Dərbənddəki Müqəddəs Məryəm Kilsəsinin rektoru Nikolay Kotelnikovu öldürməyi planlaşdırıblar.

“İzvestiya” yazır ki, bunu Dağıstanda öldürülən terrorçuların yazışmalarının araşdırmasının nəticələri sübut edir.

Kotelnikov əvvəlcə hücumun əsas hədəflərindən biri idi. Nəşr qeyd edir ki, həmçinin, terror aktının hazırlanması zamanı hücum üçün digər hədəflər də aydın şəkildə müəyyən edilib - Dərbənddə sinaqoq və Mahaçqaladakı pravoslav kilsələri.

“İzvestiya”ya hüquq-mühafizə orqanlarındakı mənbə bildirib ki, terrorçuların şəxsiyyəti müəyyən edilib və hücumun təşkilində iştirak edən şəxslər azadlıqda ola bilər. “Ola bilsin ki, ən azı rəğbət bəsləyənlər və terror aktının təmin edilməsində, o cümlədən terrorçuların silahla təmin edilməsində iştirak edənlər azadlıqdadır. Öldürülən terrorçulardan ələ keçirilən telefonlardakı yazışmalara əsasən ehtimal etmək olar ki, hücum təxminən bir aya planlaşdırılıb”, - agentliyin həmsöhbəti bildirib.

Kotelnikov terrorçuların kilsəyə gedən yolunu kəsmək istəyərkən ölüb. Keşişin qızının dediyi kimi, atası alnından güllə yarası alıb.

Terror aktı nəticəsində 20 nəfər - 15 hüquq-mühafizə orqanı əməkdaşı və 5 mülki şəxs həlak olub. (Publika.az)