“Rüşvətin üstü ört-basdır edilərsə, cəmiyyət çürüyər. Bunun üstünə getmək lazımdır. Əgər bir ölkədə etibar zədələnərsə bu ölkəyə vurulan ən böyük ziyan olar". Türkiyə prezidenti Abdullah Gül nazir övladları və iş adamlarının saxlandığı rüşvət əməliyyatı barədə açıqlamalar verib. Azertaym.az-ın "Hürriyət"ə istinadla verdiyi məlumata görə, prezident jurnalistlərin suallarını cavablandırıb.
Dövlət başçısı ötən ilin yayında baş verən "Gəzi parkı" məsələlərinə də toxunub. Onun sözlərinə görə, Gəzi və son baş verən hadisələr Türkiyədə bir çox gözəl şeyə gölgə salıb.
"Dövlət içində bir dövlət ola bilməz".
A.Gül rüşvətin üzərinə gedilməli və vicdanların rahatlanmalı olduğunu deyib. O, bu məsələdə prinsiplərin önəmini qeyd edib. "Qaydalar kifayət qədər yaxşı deyilsə rüşvətə şərait yaranar. Bizə yeni qaydalar lazım olduğu qənaətindəyəm. Rüşvətlə mübarizəyə şəffaflıq gətirilib, amma bunların yetərli olmadığını düşünürəm. Prokuroroun məlumat yayması doğru deyil. Yanlışı olmayan qorxmasın".