02 oktyabr 2019-cu il tarixində Nizami Rayon İcra Hakimiyyətinin başçısı Arif Qasımov 229 №-li tam orta məktəbdə R.Rüstəmov küçəsi 37, 39, 41, 43, 47, 51 və Q.Qarayev prospekti 63 ünvanlarında yaşayan sakinlərlə növbəti səyyar qəbul-görüş keçirib.

Qurumun mətbuat xidmətindən "AzerTaym.az"-a verilən məlumatda bildirilir ki,əyyar qəbulda Rayon İcra Hakimiyyəti başçısı aparatının və 2 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və sakinlər iştirak ediblər.

Səyyar qəbulda İcra Hakimiyyətinin başçısı Arif Qasımov rayonda aparılan abadlıq və yenidənqurma işlərindən, əhalini narahat edən problemlərin həlli istiqamətində həyata keçirilən tədbirlərdən danışaraq, görülən işlərin bundan sonra da davam etdiriləcəyini bildirib.

Qəbulda rayon rəhbəri tərəfindən vətəndaşların təklif, müraciət və şikayətləri dinlənilib, onları narahat edən bu və ya digər məsələlərlə bağlı verdikləri suallar ətraflı cavablandırılıb.

Vətəndaşların müraciətlərində qaldırılan məsələlərin böyük bir qismi yerindəcə həll olunub, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilib.