"Real"ın sabiq hücumçusu Raul Qonzales futbolçu karyerasını başa vurub.

Azərtaym.az Qol.Az-ın klubun saytına istinadən yaydığı xəbərə görə,  son olaraq "Nyu-York Kosmos"da çıxış edən ispan oyunçu dünən son matçına çıxıb. "Ottava Fury"ya qarşı oyunla Raul peşəkar futbolçu karyerasını başa vurub.

Qeyd edək ki, Raul peşəkar futbola 1994-cü ildə "Real"da başlayıb. 2010-ci ilə kimi  

Madrid klubunda çıxış edən 38 yaşlı oyunçu daha sonra "Şalke"yə transfer olunub.O, "Nyu-York Kosmos"dan əvvəl isə "Əl-Sədd"də oynayıb.