Xankəndidə tarixi gün: 30 il sonrakı ilk oyunu "QARABAĞ" QAZANDI...
20-11-202419-11-202418-11-2024
Bu gün futbol üzrə Azərbaycan Kubokunda 1/8 final mərhələsinə yekun vurulub.
AzerTaym.az qaynarinfo-ya istinadən xəbər verir ki, günün ilk görüşü tarixi hadisənin yaşanması ilə əlamətdar olub.
Belə ki, "Qarabağ” - MOİK görüşü Xankəndidə təşkil olub. Ağdam təmsilçisi ilə "hərbçilər"in dueli işğaldan azad edilmiş ərazilərdə 30 illik fasilədən sonra ilk futbol matçı kimi tarixə düşüb. Axırıncı dəfə 1993-cü ilin mayında "Qarabağ” Ağdamın "İmarət” stadionunda Tovuzun "Turan” klubu ilə qarşılaşmış və 1:0 hesablı qələbə qazanmışdı.
Görüşün taleyini bir qol həll edib. Prezident İlham Əliyev və birinci xanım Mehriban Əliyevanın canlı izlədiyi oyunun 90+3-cü dəqiqəsində Nəriman Axundzadə fərqlənərək, "Qarabağ"a qələbə qazandırıb.
Qeyd edək ki, "Qarabağ" 1/4 finalda "Sabah”la qarşılaşacaq.
Azərbaycan Kuboku
1/8 final
21 dekabr
Qarabağ - MOİK 1:0
Qol: Nəriman Axundzadə, 90+3.
Qarabağ: Luka Quqeşaşvili, Mateus Silva, Bəhlul Mustafazadə, Rahil Məmmədov, Elvin Cəfərquliyev, Marko Yankoviç, Riçard Almeyda, Nəriman Axundzadə, Redon Cica, Hamidu Keyta, Juninyo.
Ehtiyat oyunçular: Andrey Lunyov, Amin Ramazanov, Bədavi Hüseynov, Marko Veşoviç, Toral Bayramov, Abbas Hüseynov, Julio Romao, Patrik Andrade, Yassin Benzia, Abdullah Zubir, Leandro Andrade, Adama Diakabi.
Baş məşqçi: Qurban Qurbanov.
MOİK: Zeynal Əhmədzadə, Fərid Abbaslı, Nicat Əskərov, Nurlan Bayramov, İsa Zeynallı (k), Ramil Orucov, Xəyal Bədirov, Elvin Vəliyev, Elmir Rəhimzadə, Sabir Allahquliyev, Ülvi İbazadə.
Ehtiyat oyunçular: Ayxan Qocayev, Məhmməd Qurbanov, Nihad Ağayev, Həsrət Mürsəlov, Cavidan Abbaszadə, Samir İbrahimov, Raul Musayev, Murad Musayev, Elşən Veysov, Elçin Bayramov.
Baş məşqçi: Qəzənfər Abbasov.
Hakimlər: Əli Əliyev, Şirmamed Mamedov, Taleh Məmmədov, Kamal Umudlu.
VAR: Cavid Cəlilov.
AVAR: Kamran Bayramov.
Hakim-inspektor: Munis Abdullayev.
AFFA nümayəndəsi: Emin Cəfərov.
Xankəndi şəhər stadionu.
Fikirlər
-
Reklam
-
Əsas xəbərlər
