Dünən Mərkəzi Seçki Komissiyasının qarşısında deputatlığa namizədlərin etiraz aksiyasında bir nəfərə polis tərəfindən xəsarət yetirilməsi ilə bağlı yayılan məlumata rəsmi münasibət bildirilib.

Bakı şəhər BPİ Mətbuat Xidmətinin rəisi, polis mayoru Elşad Hacıyev “Qafqazinfo”ya açıqlamasında bildirib ki, Ərzulla Buludlunun və Rəbiyyə Məmmədovanın xəsarət alması ilə bağlı deyilənlər əsasızdır: “Polisin təşəbbüsü ilə hər iki şəxs müvafiq həkim müayinəsindən keçirilib, onlarda hər hansı xəsarət faktı aşkarlanmayıb”.

Xatırladaq ki, Ərzulla Buludlu sosial şəbəkədə dünənki aksiya zamanı qabırğalarının sınması ilə bağlı məlumat yaymışdı.