Norveçin 87 yaşlı kraliçası Sonya tənəffüs problemi ilə xəstəxanaya yerləşdirilib.
Yeniavaz.com xəbər verir ki, bu barədə kral sarayının bəyanatında deyilib.
“Kraliça Pasxa bayramlarını keçirdiyi dağ evindən tibbi vertolyotla tibb mərkəzinə çatdırılıb”, - sarayın açıqlamasında qeyd edilib.
NTB xəbər agentliyinin məlumatına görə, 1924-cü ildən bəri Norveç kral ailəsi Pasxa bayramlarının çoxunu həmin dağ evində keçirir.
Qeyd edək ki, kraliça Sonya, sürətli və nizamsız ürək döyüntüsü olan fibrilasiya inkişaf etdirdikdən sonra yanvar ayında qısa müddətə xəstəxanaya yerləşdirilib. Daha sonra o, kardiostimulyator taxıb. Bu proseduru saray “uğurlu” adlandırıb. Onun yoldaşı, 88 yaşlı kral Harald Avropanın ən yaşlı kralıdır. O, həmçinin 2024-cü ilin martında Malayziyada şəxsi tətildə olarkən infeksiyaya yoluxduqdan sonra kardiostimulyator taxıb.