Fransanın paytaxtı Parisin mərkəzində güclü partlayış baş verib.

“Qafqazinfo” xəbər verir ki, yerli polisin məlumatına görə, hadisə Treviz küçəsində olub. 

Hazırda partlayışın baş vermə şəraiti araşdırılır. 

***

Yerli KİV-in məlumatına görə, partlayışa səbəb qaz sızması olub. Yaralılar var. 

***

“BFMTV” telekanalı xəbər verir ki, partlayış nəticəsində 3-ü yanğınsöndürən olmaqla 12 nəfər ağır xəsarət alıb.

***

“TASS” agentliyinin məlumatına görə, hadisə nəticəsində 4 nəfər həlak olub. Bu barədə ölkənin daxili işlər naziri Kristof Kastaner bildirib.

“Partlayış nəticəsində ikisi yanğınsöndürən, ikisi mülki vətəndaş olmaqla 4 nəfər ölüb. 10 nəfər isə ağır vəziyyətdədir ki, onlardan biri yanğınsöndürəndir”, - deyə nazir söyləyib.

***

DİN rəhbəri Kristof Kastanerin məlumatına görə, xəsarət alanların sayı 50 nəfərə yüksəlib.