Ləğv olunmuş Azərbaycan Müəllimlər İnstitutunun Zaqatala filalınının son bir neçə illik fəaliyyəti yoxlanılır. 

Gununsesi.info-nun xəbərinə görə, Maliyyə Nazirliyi tərəfindən aparılan maliyyə yoxlamaları zamanı filialın direktoru olmuş Orucəli Rzayevin korrupsiya əməlləri üzə çıxıb.

Hazırda İqtisad Universitetinin filialı kimi fəaliyyət göstərən təhsil müəssisəsinin direktoru olan Orucəli Rzayev yoxlamaların nəticəsinin Prokurorluq orqanlarına göndərilməməsi üçün səy göstərir.

Adıçəkilən təhsil ocağının müəllimləri bildirib ki, Orucəli Rzayev hazırda onların bir aylıq əmək haqqlarını tələb edir. Onlar isə bu tələbi rədd edirlər. Direktor müəllimlərdən yığdığı pulla Maliyyə Nazirliyinin əməkdaşlarını “yola salacağını” deyir.

Direktor özünün keçmiş qanunsuzluqlarını müəllimlərdən yığdığı pul hesabına ört-basdır eləmək istəyir.