Məlum olduğu kimi bir neçə əvvəl Goranboy rayonunda pambıq qəbulu məntəqəsində yanğın olub.

Məntəqədə yığılan və hər biri təxminən 300 ton olan 4 pambıq tayası alışıb.

1200 ton pambığın yandırılması isə rayon icra hakimiyyətinin başçısı Nizaməddin Quliyevin növbəti dəfə yarıtmaz işini ortaya çıxarıb.

Ölkə başçısının və hökumətin əsas prioritetlərindən biri olan bu sahədə baş verən neqativ halın istənilən icra başçısı üçün xoş nəticə doğurmayacağı sirr deyil. 

Gununsesi.info-nun adıçəkilən rayondakı mənbələrdən aldığı xəbərə görə, Nizaməddin Quliyevin 1200 ton pambığı qoruya bilməməsi onun üçün ciddi problemə çevrilib. PA rəhbərliyi səviyyəsində ciddi şəkildə danlanan icra başçısının işçiləri onun telefon danışığından sonra ürək və təzyiq dərmanı içdiyinin şahidi olub.

“Kızıl kurkanları olayı”ndan sonra onsuz da hakimiyyət rəhbərliyinin gözündən düşən Nizaməddin Quliyev ona verilən son şansı da itirmiş oldu. Odur ki, yaxın zamanlarda icra başçısının yola salınacağı gözləniləndir.

Goranboy rayon icra hakimiyyəti aparatında çalışan şəxslərin saytımıza verdiyi xəbərə görə, Nizaməddin Quliyev yarıtmaz işinin nəticəsinə görə danlandığndan bunun heyfini işçilərdən çıxmağa çalışır. O, tabeçiliyində olan insanlarla sərt tərzdə danışır, onları acılayır. Ancaq işçilər başçısının bu dəfə kreslosu ilə vidalaşacağını bildiyindən ona reaksiya vermir.

Xatırladaq ki, Nizaməddin Quliye icra başçıları arasında ən çox korrupsiya və digər neqativ əməlləriylə tanınır.