Ermənistanın Azərbaycandakı casus JURNALİSTLƏRİ
Fevralın 21-dən İrəvanda jurnalistlər üçün Azərbaycandakı hadisələrin işıqlandırılması üzrə seminarlar başlayır.
21-11-202420-11-202419-11-2024
AzerTaym.az.istipress-ə istinadən bildirir ki, seminarın təşkilatçısı "Zorakn" fondunun rəhbəri, "Razm.info" saytının koordinatoru Karen Vrtanesyanın erməni mətbuatına verdiyi məlumatlardan belə anlaşılır ki, fond Azərbaycanda işləyəcək casuslar yetişdirəcək.
Düzdür, Karen Vrtanesyan məqsədlərinin sadəcə jurnalistlərin məlumat səviyyəsinin artırılması olduğunu bildirib: "Azərbaycanın bizdən təcrid olması üzündən bizim bu ölkə barədə bildiklərimiz karikatura xarakterlidir. Biz onlar barədə rəhbərliyin bəyanatları və Bakının təbliğat maşınının məhsulları əsasında qərar veririk. Amma biz düşmənimizi daha yaxından tanımalıyıq", - deyə Vrtanesyan bildirib.
Əslində, Karen Vrtanesyanın dedikləri həqiqətə uyğun deyil. Ermənistanda Azərbaycan dilini yetərincə yaxşı bilən, Azərbaycanın hətta şou-biznes təmsilçilərinin tərcümeyi-halına qədər yaxşı bilən jurnalistlər var. Hətta bloqerlər belə öz səhifəsində gündəlik Azərbaycan xəbərlərinə yer ayırırlar. Məsələn, həqiqi peşəsi milli geyimlərin dizaynı olan Ani Marqaryan öz bloqunda mütəmadi olaraq Azərbaycan xəbərlərinin icmalını verir.
"Azərbaycanın bizdən təcrid olması üzündən bizim bu ölkə barədə bildiklərimiz karikatura xarakterlidir".
Buna görə, Karen Vrtanesyanın erməni mətbuatına başqa müsahibələrindən belə anlaşılır ki, əslində məsələ jurnalist adı altında Azərbaycana qarşı işləyəcək casus şəbəkəsinin yetişdirilməsindən gedir. Onun sözlərinə görə, fondun dəstəyi ilə Azərbaycan - erməni, erməni - Azərbaycan hərbi terminlər lüğəti yaradılıb.
"Biz lüğəti keçən ilin aprel ayında vətən sərhədlərini qorumuş erməni hərbçilərinə və könüllülərinə həsr etmişik", - deyə Karen Vrtanesyan vurğulayıb.
Yəni şərhə ehtiyac yoxdur. Azərbaycan ordusu yaxın zamanlarda qoşunların təmas xəttində və sərhəddə daha diqqətli olmalıdır. Çünki jurnalist adı altında yetişdirilmiş erməni casuslar ölkənin içərilərinə də nüfuz edə bilərlər.
Fikirlər
-
Reklam
-
Əsas xəbərlər
