Naxçıvan Gömrük Komitəsinin ən çox narazılıq doğuran qanunsuz qadağalarından biri mebel inhisarçılığı ilə bağlıdır.

 AzerTaym.az bildirir ki, Muxtar Respublika sakinlərinin Ovqat.com-a bildirdiklərinə görə, Naxçıvanda mebel malları Türkiyədən 3-4 dəfə baha satılır.

Vətəndaşların özlərinin gedib Türkiyədən mebel gətirmələrinə isə icazə verilmir. Çünki bu işə yalnız Halef Kızılay adlı Türkiyə vətəndaşı baxır.

Əslən Iğdırdan olan Halef Kızılay Türkiyədən gətirdiyi mebelləri Təbriz otelinin yanındakı Tədris Ticarət Mərkəzinin 1-ci mərtəbəsində satır.

Məlumatı dəqiqləşdirərkən aydın oldu ki, sən demə, Naxçıvanda mebeldə Bakıda ucuz imiş. Çünki Azərbaycan Gömrük Komitəsinin sədri Səfər Mehdiyev “Dəli Domrul”luqda Səhət Həbibbəylidən heç də geri qalmırmış. Bildirilir ki, Naxçıvandan alınan mebel üçün Azərbaycan “gömrükxana”sında yenidən rüsum tutulurmuş. Eyni proses Bakıdan Naxçıvana aparılan mebel malları üçün həyata keçirilirmiş. Yəni Naxçıvan Bakıdan, Bakı Naxçıvandan gömrük rüsumu alırmış.

   Naxçıvan xariqələri: Muxtar Respublikada mebel monopoliyasına Iğdırlı iş adamı baxır

Facebook səhifəsində Iğdırda və Qərbi Azərbaycanda (İran) yaşadığı qeyd olunan Halef Kızılayın kimliyini araşdırmağa çalışacağıq.