Tanınmış müğənni Vüqar Muradovun evindən 3500 manat oğurlanıb.

"AzerTaym.az" xəbər verir ki, müğənni oğurluğun evinə gələn usta tərəfindən edildiyini söyləyib:

“Kombi ustası evimdən 3500 manat pulumu oğurlayıb. 3 gün bundan qabaq bizə gəlib kombini düzəldib getdi. Sən demə, pulu da götürüb gedib. Bilməmişəm necə olub. Zəng vurdum ki, qardaş, heç kim bilməyəcək, öz xoşluğunla pulumu gətir qaytar. Telefonu söndürdü".

Müğənni bildirib ki, aidiyyəti üzrə Binəqədi rayon 6-cı polis bölməsinə müraciət edib:

“Polislər qısa zamanda oğrunu tapdılar və pulu mənə qaytardılar. Başda general polkovnik Vilayət Eyvazov olmaqla bütün DİN rəhbərliyi və əməkdaşlarına təşəkkür edirəm”. 

Qeyd edək ki, Vüqar Muradov ATV-də yayımlanan “Yeni ulduz” mahnı yarışmasının qalibi olduqdan sonra məşhurlaşıb.