İqtisadiyyat Nazirliyinin İqtisadi Zonaların İnkişafı Agentliyinin İdarə Heyətinin sədri Elşad Nuriyev vəzifəsindən azad edilib.

Bu barədə İqtisadiyyat Nazirliyinin saytında məlumat verilib.

Müvafiq əmrə əsasən İqtisadi Zonaların İnkişafı Agentliyinin İdarə Heyətinin sədri vəzifəsinə  Adıgözəlov Seymur Elmir oğlu təyin edilib.

Qeyd edək ki, Seymur Adıgözəlov bu təyinatadək İqtisadi Zonaların İnkişafı Agentliyinin İdarə Heyəti sədrinin müavini vəzifəsində çalışırdı. O, həm də "Bakı Gəmiqayırma Zavodu"nun direktoru kimi fəaliyyət göstərirdi. O, həmin vəzifədən azad edilib.

Bakı Gəmiqayırma Zavodu"nun İdarə Heyətinin sədri vəzifəsinə isə Elşad Nuriyev təyin olunub. 

Qeyd edək ki, kadr dəyişikliyi barədə ilk xəbəri Samir Feyruzov sosial şəbəkədə paylaşıb.

 Elşad Nuriyev

 Seymur Adıgözəlov 

"AzPolitika.info"