“Azərişıq” Samux və Gədəbəyin elektrik şəbəkələrini yeniləyir (VİDEO)

"Azərişıq” ASC Samuxun Qədili, Seyidlər və Sarıqamış kəndlərində işlərə başlayıb.
Bu barədə "AzerTaym.az"-a qurumun mətbuat xidmətindən məlumat verilib.
Bildirilir ki, istismar müddətini başa vurmuş 10 və 0,4 kV-luq elektrik xətləri, dayaqlar və bütün güc mərkəzləri yenilənir. Üç kənddə ümumilikdə 10 KTM (komplektləşdirilmiş transformator məntəqəsi) quraşdırlıb və abonentlərin bütün sayğacları yenisi ilə əvəzlənib.
Bununla yanaşı Prezident İlham Əliyevin müvafiq göstərişlərinə əsasən "Azərişıq” ASC Gədəbəyin ucqar Arısu və Əlinağılar kəndlərində də elektrik şəbəkələrini yenidən qurur.
"Ötən əsrin 50-60-cı illərində qurulmuş köhnə şəbəkə yenidənqurma layihəsi çərçivəsində tam yenilənir. Elektrik xətləri izoliyasiyalı naqillərlə əvəzlənir, köhnə dayaqlar, sayğaclar və həmçinin bütün güc mərkəzləri tam yenilənir.
Hədəf adıçəkilən kəndlərdə işləri mümkün qədər tez zamanda yekunlaşdırmaq və bununlada itkilərin qarşısını almaq, həmçinin abonentlərin dayanıqlı, keyfiyyətli elektrik enerjisi ilə təminatını həyata keçirməkdir", - məlumatda deyilir.
Xatırladaq ki, investisiya layihəsi bütün regionlarda 100-dən çox kəndi əhatə edir.

 







Bənzər xəbərlər
  • “Azərişıq” Şəmkirin iki kəndinin elektrik şəbəkəsini yenidən
  • Şamaxının bu kəndlərində elektrik şəbəkəsi yeniləndi
  • 100-dən çox yaşayış məntəqəsinin elektrik şəbəkəsi
  • “AZƏRİŞIQ” ucqar dağ kəndlərinin elektrik şəbəkələrini yeniləyib
  • Yeni yarımstansiyalar tikilir, hava xətləri

    • Fikirlər