"Qələm sahibləri tərəfindən Ordumuza qarşı açıq-aydın informasiya təxribatlarının həyata keçirilməsinin əleyhinəyəm. Neqativ halları qabartmamalı, yazaraq, sənədləşdirərək Azərbaycan Müdafiə Nazirliyinin rəhbərliyinə təqdim etməliyik".

Musavat.com xəbər verir ki, bu sözləri "Yeni Müsavat" Media Qrupunun rəhbəri, Əməkdar jurnalist Rauf Arifoğlu Mətbuat Şurasında keçirilən tədbirdə deyib.

"Bununla yanaşı, həmkarlarımızın cəzalandırılmasının, inzibati metodlarla qələm sahiblərinin qarşısına sədd çəkilməsin də tərəfdarı deyiləm. Çünki millətimizə qarşı yönələn təxribatların önünə biz (jurnalistlər - red.) çıxmalıyıq", - deyə, R.Arifoğlu bildirib.

Sözügedən çıxışı tam şəkildə oxucularımıza və izləyicilərimizə təqdim edirik: