“Ay Zahid, heç kimə “uçeniya” keçmə” - Spikerlə deputat arasında NÖVBƏTİ
Deputat Zahid Orucla Milli Məclis sədri Oqtay Əsədov növbəti dəfə mübahisə edib.
Modern.az xəbər verir ki, parlamentin iclasında "Əmək pensiyaları haqqında” qanuna dəyişikliklərin müzakirəsi zamanı deputat reqlamentlə çıxış üçün nəzərdə tutulan vaxtın 10 dəqiqədən 5 dəqiqəyə endirilməsinə etirazını bildirib.
"Bu 5 dəqiqə ömrümüzdən nə alacaq ki?! Yaxşı olardı ki, 10 dəqiqə çıxış etmək istəyənin vaxtı kəsilməsin”.
Bu isə spiker Oqtay Əsədovun sərt reaksiyasına səbəb olub.
"Ay Zahid, heç kimə "uçeniya” keçmə… 10 dəqiqəlik çıxış etmək istəyirsənsə, et… Heç kim sənə mane olmur”.
