23.09.2014 - Razim Məmmədov və Nizami İsgəndərov Xətaidə «işğal» zonaları yaradırlar
Xətai rayon icra başçısı Razim Məmmədov bibisi oğlu iş adamı Nizami İsgəndərovla birlikdə rayonun müxtəlif yerlərindəki gözdən uzaq qulaqdan iraq yerlərdəki ağaclıq əraziləri gizli şəkildə zəbt edərək özəlləşdirirlər.
Bu barədə PİA.AZ-a ünvalanan məlumatda bildirilir ki, tanınmış iş adamı Nizami İsgəndərov bibisi oğlunun Xətai rayonunda icra başçısı olmasından istifadə edərək rayonda bir çox əraziləri ələ keçirir və bu prosses çoxdan başlayıb.
Məlumatda qeyd olunur ki, artıq bu barədə sakinlər Bakı şəhər İcra Hakimiyyətinin başçısı Hacıbala Abutalıbova şikayətlər ünvanlayıblar. Lakin Nizami İsgəndərov və Razim Məmmmədov Bakı şəhər İcra Hakimiyyətinin «payını» ayırdığına görə onların şikayətlərinə baxan yoxdur.
Belə ki, PİA.AZ-a ünvanlanan şikayətdə bildirilir ki, Razim Məmmədov və Nizami İsgəndərov Xətai rayonunda bir çox əraziləri yaxın adamlarına «sataraq» sənədləşdirir və həmin ərazilərdə müxtəlif obyektlər tikirlər.
Bildirilir ki, son 5 ayda Razim Məmmmədovla Nizami İsgəndərov cütlüyü Xətai rayonunda müxtəlif yerlərdə yaşıllıqları gizli şəkildə məhv edərək ərazini hasarlayıblar. Buna misal olaraq şikayətdə bildirilir ki, rayonun “Radiozavod” istiqamətində, Ukrayna dairəsi ətrafındakı bəzi ərazilərdəki sıx ağaclar dayıoğlu-bibioğlunun güdazına gəlib.
Həmçinin qeyd olunur ki, Xətai rayonun Nəsrəddin Tusi küçəsindəki binaların ətrafındakı ağaclıq ərazi bir müddət öncə səssiz səmirsiz bir günün içində təmizlənib və hazırda qeyd olunan yerdə Nizami İsgəndərova məxsus obyekt inşa edilir.
Bildirək ki, iş adamı Nizami İsgəndərov iki ay öncə Sumqayıt şəhərində binaların arasındakı ağacaları qırdığına görə gündəmə gəlmişdi. Həmin hadisəni iş adamı təkzib etməyə çalışsada çəkilən şəkillər, videolar Nizmai İsgəndərovun israrlı təkzibi təsdiq olunmadı.
Qarşı tərəfin mövqeyini dərc etməyə hazırıq…
