“1880-ci ildən bu günə” jurnalı azərbaycan və ingilis dillərində buraxılıb
Moderator.az xəbər verir ki, “Azərbaycan Dəmir Yolları” Qapalı Səhmdar Cəmiyyətinin yaranmasının 136 illiyinə həsr olunmuş jurnalın ilk sayı işıq üzü görüb.
“1880-ci ildən bu günə” jurnalında Azərbaycan Dəmir Yollarının yarandığı gündən bu günə kimi qət etdiyi yoldan bəhs edilib. Jurnal 2 dildə, azərbaycan və ingilis dillərində buraxılıb. Bu jurnal satış üçün nəzərdə tutulmayıb. Analitik jurnalın “Azərbaycan Dəmir Yolları”nın bütün qatarlarında oxuculara çatdırılması nəzərdə tutulub. Yəni hər bir vaqona bu jurnaldan yerləşdiriləcək.
Qeyd edək ki, jurnalın baş redaktoru Sevinc Qədirovadır. Xatırladaq ki, bu “Azərbaycan Dəmir Yolları”nın nəşr etdiyi jurnalın ilk sayıdır.
