BP-nin regional prezidenti DƏYİŞDİ
BP-yə yeni regional prezident təyin olunub.
BP-nin mətbuat xidmətindən verilən məlumata görə, BP bu gün Qari Counzu BP-nin Azərbaycan, Gürcüstan və Türkiyə üzrə yeni regional prezidenti təyin edib. Yeni prezident öz vəzifəsinin icrasına bu il aprel ayının 2-dən başlayacaq və BP-nin Bakıdakı ofisində fəaliyyət göstərəcək. Qari Counz hazırda BP-nin qazma, tamamlama və quyular üzrə qlobal rəhbəridir.
Qari Counz bu vəzifədə BP-nin regiondakı biznesinə 2012-ci ilin noyabr ayından rəhbərlik edən Qordon Birrelli əvəz edəcək. Qordonun yeni vəzifəsi isə Londonda BP-nin baş ofisində baş əməliyyat rəhbəri olacaq və o, BP-nin hasilat, transformasiya və karbon üzrə işlərinə başçılıq edəcək.
AzerTaym.az
