Xalq artisti Zülfiyyə Xanbabayevanın İnstagram səhifəsində paylaşdığı foto müzakirələrə səbəb olub.

Bəziləri şəklin Fotoşop olduğunu yazıb, bəziləri isə xalq artistinin tanınmaz dərəcədə dəyişdiyini vurğulayıblar.

Müğənninin prodüseri Nigar Hacızadə Yenicag.az-a açıqlamasında  həmin fotoların  layihə çərçivəsində çəkildiyini bildirib:

“Bu insanlara anlatmaq olmur ki, bu fotolar böyük bir layihəyə aiddir, albom üçün hazırlanıb. Lakin hərə bir söz yazır. Kimi bu şəkillərin Fotoşop olduğunu, əslində Zülfiyyə arıqlamadığını deyirlər. Bəziləri də yazır ki, Zülfiyyə Xanbabayeva fotolarını çəkməyə icazə vermir. Zülfiyyə həqiqətən də arıqlayıb, Fotoşopun bura heç bir dəxli yoxdur. Bu yaxınlarda seçki günü konsertdə bunu hamı da gördü. Sadəcə efir onu kök göstərir. Digər tərəfdən həqiqətən də Zülfiyyə küçədə şəkillərinin çəkilməsinin tərədarı deyil. Gözü qıyılmış, ağzı açıla qalmış fotoları çəkib yayırlar. Təbii ki, insan oxuyanda ağzı açıq olur. Belə vəziyyətdə şəkil çəkmək axı nəyə lazımdır? Buna etiraz edəndə də insanların xoşuna gəlmir. Onlar da qisas almaq üçün küçədə fotolarını çəkib yayırlar”.