Bu da yeni Audi TT
“Audi” konserni VW konserninin 2018-ci il üçün “nömrə 1” olmaq istəyini həyata keçirməklə məşğuldur. Dörd il ərzində şirkət yeni modellərin istehsalına 22 mlrd avro kapital qoyur. Sportkar “Audi TT”-nin üçüncü nəsli ən yaxın yenilik olmalıdır.
Bu avtomobil artıq gələn il meydana çıxmalıdır.
Azertaym.Az Auto.az-a istinadən bildirir ki, 2014-2018-ci illər arasında “Audi” öz inkişafına 22 mlrd avro xərcləyəcək. Söhbət, sasən, yeni modellərin buraxılışından, yeniliklərdən və istehsal şəbəkəsinin bütün dünyaya yayılmasından gedir. İnvestisiyaların çox hissəsi – 70 % - məhz yeni modellərə və texnologiyalara sərf olunacaq.
Şirkətin rəhbəri Rupert Ştadlerin dediyinə görə, 2015-ci ilədək bütün dünya üzrə “Audi”-nin satışları 1,5 mln avtomobilə çatmalıdır. 2020-ci ilədək markanın portfoliosu hazırki 49-dan 60 modelədək artacaq.
Ən yaxın yenilik yeni nəsil sportkar “Audi TT” olmalıdır. Şirkətin verdiyi məlumata görə, o gələn il satışa çıxarılacaq. Bundan başqa, 2016-cı ildən yeni kompakt krossover “Audi Q1”-in istehsalı başlanacaq.
