Əməkdar artist Elnarə Abdullayeva həmkarı Röya Ayxanın tənqidinə cavab verib.  Muğam ifaçısı Röyanın “Müğənni qız almaram” deyən sənətçilərə etiraz etməsinə münasibət bildirib. 

E. Abdullayeva “Qafqazinfo”ya bildirib ki, R. Ayxan onların fikirlərinə hörmətlə yanaşmalıdır: “Bu, Röyanın öz işidir. Mən ona necə deyim ki, sən elə görmə, belə gör! Hamının bir fikri var. Amma hər kəsin fikrinə hörmətlə yanaşmaq lazımdır ki, sənin də fikrinə hörmətlə yanaşsınlar. Röya dünyaya bu cür baxır. Burda nə var ki? Bilmirəm ki, Röyanın ürəyində, fikrində və başında nə var... Röyanı çox sevirəm, amma onun hansı fikirlə dediyini bilmirəm. Açıqlama verəndə yanında olmamışam. Bir kəlmə sözün ucundan tutub ucuzluğa getmək olmaz. Mən nə bilim o hansı mənada deyir. Kişinin qızı belə görür”.

Qeyd edək ki, Röya “Show News”a açıqlamasında “müğənni qız almaram” deyən əməkdar artistlər Elnarə Abdullayeva, Könül Kərimova və digər məşhurların cavabını verərək onları sərt bir şəkildə tənqid etmişdi.