“Öldü onlar mənim üçün. Yoxdurlar artıq. Qardaşımı, bacımı demirəm, amma balaları yoxdur mənim üçün. Ölsələr də heç nə etməyəcəm. Soruşsalar, ay Mələkxanım, qardaşın oğlu, bacın oğlu niyə öldü? Deyəcəm mənlik deyil. Bir əclaf, alçaq nəsə edir, deyirlər Mələkxanımın qohumudur. Məni xalqın qarşısında görün nə hala saldılar. Bir şey olmamış Mələkxanım… Belə olmaz axı”.

"AzerTaym.az" bildirir ki, bu sözləri Xəbərçi.az-a açıqlamasında xalq arasında kifayət qədər sevilib seçilən sənətkar, xalq artisti Mələkxanım Əyyubova deyib. O, qardaşı oğlu Valeh İsrafilovun məlum videosu yayılan 3 qızı Cahid adlı şəxslə əlaqəsindən danışarkən əsəblərinə hakim ola bilməyib, ağlayıb. Xanəndə göz yaşları içində bunları deyib: “Söz var ev arasında, söz də var el arasında. Mən onlara deyirdim elə edin ki mənim adıma ləkə gəlməsin. Özləri də deyirdilər, ay bibi, biz elə şey etmərik. Ayıbdır axı, mənim adımı niyə hallandırırsız? Mələkxanım neyləməlidir? Özümü öldürüm? Gedin ata-anasından soruşun. Bitdi onlar mənim üçün. Bəsdir”.